Nasorg 2021

Graag stel ons aan u bekend die reëlings van die Nasorg by Primêre Skool Worcester.

Primêre Skool Worcester en Willekind Worcester & Nasorg gaan saamwerk om die beste nasorg moontlik vir kinders te bied. Willekind Worcester & Nasorg  gaan die nasorg van graad R – graad 7 namens ons skool bestuur. Alle aansoeke en betalings sal dus by Willekind Worcester & Nasorg  gedoen moet word.

Alle leerders vanaf graad R – 7 sal ‘n ligte middagete geniet. Alle leerders volg ook dieselfde rooster wat studietyd insluit. Nasorg vind plaas in die SAAMI-saal op die hoek van Krige & Distillerystraat (oorkant Health & Fitness Gym). Graad R- kinders sal deur personeel van Willekind Worcester & Nasorg  gehaal word. Ons beplan om nie meer as 25 – 30 leerders per onderwyser te plaas nie. Doelgerigte toesig en voltooiing van huiswerk is die belangrikste prioriteite.

Kostes sal R 750 per kind per maand beloop en is vooruitbetaalbaar aan die begin van elke maand (10 maande). Die bedrag sluit etes in. Geen kwytskeldings of verminderings sal oorweeg word nie. 

Kinders wat hulle herhaaldelik skuldig maak aan wangedrag, kan deur die onderskeie hoofde geskors word van nasorg.

Primêre Skool Worcester en Willekind Worcester & Nasorg  hou hulle die reg voor om kinders toe te laat of te weier.

Pakette:

Halfdag: 14h00 – 17h30 teen R750pm oor 10 maande (middagete ingesluit)

Gr. 4 – 6-leerders wat op alternatiewe dae voldag nasorg benodig: 07h00 – 17h30 teen R1100pm oor 10 maande (sluit ontbyt-pap en middagete in)

Junie-vakansie: R120 per dag opsioneel en ekstra (normale fooi van R750 nie ingesluit nie)

U is welkom om enige navrae aan ons te rig. U kan die Willekind Worcester & Nasorg  kontak op: 084 993 9308

Kabousies & Kaboemsies:

Mev. Grietjie Botha se WAGKLAS vir Speelgroepie en gr.R gaan voort soos normaal in 2021.

(Ma. – Do. 12:15 – 14:00 (Vr. GEEN); NIE vakansies nie, slegs gedurende die kwartaal). 

Ouers het dus ‘n keuse:

• Gr.R –en speelgroepie ouers van 2021 wat Kabousies & Kaboemsies verkies, moet by mev. G. Botha aansoek doen. Kontak: 082 538 7713
• Willekind Worcester se gr.R – 7-aansoeke (Nasorg) vir 2021 is tans beskikbaar.